getlee admin
![admin admin](https://2img.net/i/itest/ranks/ut/ut9.gif)
![getlee](https://2img.net/i/fa/i/avatars/gallery/Cinema_h/Cinema_h_15.jpg)
عدد الرسائل : 15 العمر : 40 تاريخ التسجيل : 12/12/2007
![ليلة فراق الغالــــــــــــــــــــــــــــــــــــــــية Empty](https://2img.net/i/empty.gif) | موضوع: ليلة فراق الغالــــــــــــــــــــــــــــــــــــــــية الثلاثاء يناير 15, 2008 4:15 pm | |
| doPoem(0) https://i.servimg.com/u/f32/11/89/36/67/c5d8d210.jpg | لا والله إلا رحـت فيهـا ! والبـلا كانـي بكيـت الحـزن داهمنـي ونفسـي ضايقـه مـن مابهـا
| | بديت احس الكون يصغر فـي عيونـي وابتديـت اكره مكاني والريـاض ! ايضيـق بـيّ اترابهـا
| | راحت غرام القلب واصـدق قلـب فالدنيـا لقيـت هي سافرت عني ! وانـا والله ماطيـق اغيابهـا
| | امنول اقوى بعدهـا واليـوم عاجـز مـا قويـت تاخذنـي الذكـرى لهـا لحـد مـوصـل بابـهـا
| | انام من كثر التعب , واتعـب ليـا منـي صحيـت أعيشهـا واليـا غفيـت أغفابهـا واصحابـهـا
| | احـاول اجفاهـا ولكـن فالحقيقـه مـا جفيـت ؟ إلا علاقتـي مـع العـالـم عـشـان اعجابـهـا
| | ياويـل حالـي يامساعـد ياكبـر لا والله إلا حــظ اهاليـهـا وحــظ اقرابـهـا
| | حبيتها مو مشكله ! مشكلتـي الكبـرى نسيـت ! ليلة فـراق الغاليـه ! نسيـت احسـب احسابهـا
| | نسيت لحسب لحظة فراق الهنـوف اللـي هويـت نسيت كيف احيا ! حياتـي دامنـي مـا احيابهـا
| | والله ما بغى شي من دنياي ! بس اللـي بغيـت ؟ ودي اكـون اقـرب لهـا مـن عطرهـا فثيابهـا
| | ينتابني يـأس وملـل واحـس بحسـاس ٍ مميـت واقـدر احلـف ان الــذي ينتابـنـي ينتابـهـا
| | شعور ماحسيت بـه مـن يـوم فالدنيـا وعيـت احساس ماحسيت به مـن قبـل اشـوف اهدابهـا
| | الله من كثر التعب واللي مـن الفرقـى جنيـت ؟ سهر , قصيد , اهموم , كل هذي وش اللي جابها ؟
| | اعيش يومي ودي اهنى مير عـدى مـا اهتنيـت اصلاً انا وشلون ابهنـى ! دامنـي مـا اهنابهـا
| | هذي لو اني عشت معها طول عمري مـا اكتفيـت لكـن عساهـا سالمـه للشايـب اللـي جابـهـا
| | مكتوب واللي كاتبـه ربـي ترانـي بـه رضيـت عسى الله يهون علـى نفسـي مصـاب ٍ صابهـا
| | يامساعد اليوم انتهى وانـا مـع اليـوم انتهيـت مابـه جديـد ! إلا بقايـا شاعـر ٍ يبقـى بـهـا
| | ادري تشوف ان التعـب فينـي ولا ودي دريـت ادري ونـدري كلنـا ! غيـري تـراه اولابـهـا
| | بس الذي خلانـي احكـي كـل ماعنـه حكيـت ؟ هي حاجـة ٍ نسيتهـا مـن قبـل وقـت اغيابهـا
| | حبيتها مو مشكلـه ! مشكلتـي الكبـرى نسيـت ليلـة فـراق الغاليـه نسيـت احسـب احسابهـا
|
| |
|